हेटौँडा, हेटौँडा–५, पिप्लेस्थित हेटौँडा सिटी कलेजको वार्षिक खेलकुद कार्यक्रम सुरु भएको छ । विद्यालयका प्रधानाध्यापक श्रीबहादुर कार्कीको अध्यक्षतामा सोमबार भएको दौड प्रतियोगिताको उद्घाटन जिल्ला ट्राफिक प्रहरी कार्यालय मकवानपुरका प्रमुख सुर्यकुमार कार्कीले गर्नुभयो ।
प्रतियोगितामा अजिम खान प्रथम, सुजन श्रेष्ठ दोस्रो र साइलन वाइवा तेस्रो भएका छन् । दौड प्रतियोगितामा कक्षा–११ देखि स्नातक तहसम्मका २५ जना विद्यार्थीको सहभागिता रहेको कलेजका सिआइटी विभाग प्रमुख दुर्गा सिग्देलले जानकारी दिए । कार्यक्रममा एथ्लेटिक्स संघ मकवानपुरका अध्यक्ष प्रभावकर पाण्डेलगायतको आतिथ्य रहेको थियो ।
फागुन ६ गतेसम्म सञ्चालन हुने कलेजको खेलकुद प्रतियोगितामा टेबुल टेनिस, म्युजिकल चियर, चम्चा दौड, फुटबल, भलिबल, क्रिकेट, ब्याडमिन्टन, टग अफ वार, स्लो बाइक रेस, रिले रेसलगायतका खेलहरू सञ्चालन हुने कलेजले जनाएको छ । स्रोत : सत्मार्ग अनलाईन ।
