हेटौंडा÷कमानेमा अवस्थित सर्वोत्तम संचिति बचत तथा ऋण सहकारी संस्थाको छैठौं स्थापना दिवसको अवसरमा विभिन्न विधामा शेयर सदस्य सदस्यहरुलाई सम्मान गरेको छ । बागमती प्रदेशका सहकारी तथा गरिबी निवारण मन्त्री मदुकुमार श्रेष्ठको प्रमुख आतिथ्यता तथा संस्थाका अध्यक्ष रामबहादुर बस्नेतको अध्यक्षता रहेको थियो । सहकारीले सक्रिय समूहतर्फ सक्रिय सर्वोत्तम समूह, अधिक बचत गर्ने समूहतर्फ भावना सर्वोत्तम समूह, धेरै अनुदान प्राप्त गर्ने समूहतर्फ कालिका सर्वोत्तम समूह, अनुशासित समूहतर्फ रानी दरवार सर्वोत्तम समूहलाई सम्मान गरिएको थियो । त्यस्तै, अधिक मासिक बचततर्फ कृष्णबहादुर भुर्तेल, अधिक बालबचततर्फ सम्भवी श्रेष्ठ, अधिक आवधिक राधिका पौडेल र लक्ष्मण विष्ठ, अधिक शेयर खरिदतर्फ अमृत लामिछाने जेष्ठ सदस्यतर्फ वेदप्रसाद दुलाल, असल ऋणीतर्फ सन्तमाया गोले, विद्यार्थीतर्फ एन्जिला थापालाई सम्मान गरिएको थियो । यसैगरि सहकारीले लामो समयदेखी सेवारत कर्मचारीहरु लक्ष्मी ढुङ्गाना, शर्मिला मोक्तान र लक्ष्मी सिंखडा, संस्थामा सेवागरी योगदान दिनुहुने कर्मचारीहरुलाई विदाईतर्फ अविनाथ मल्ल, वेदबहादुर दनै र रवि सुवेदीलाई विदाई सम्मान गरिएको थियो । कार्यक्रममा हेटौंडा उपमहानगरका उपप्रमुख राजेश बानियाँ, वडा नम्बर ८ का वडाध्यक्ष रामकृष्ण थापा, वडा ७ का अध्यक्ष दामोदर गौतम, जिल्ला बचत तथा ऋण सहकारी संघका सदस्य हिमाल पौडेल, जिल्ला बहुउद्देश्यीय सहकारी संघका अध्यक्ष रामहरि न्यौपाने, राष्ट्रिय सहकारी बैंकका प्रमुख रामेश्वर अर्याल, हेटौंडा साकोसका अध्यक्ष ईन्द्रबहादुर बस्नेत, सुन्दर साकोसका अध्यक्ष शम्भु नकर्मी, नारायणी बहुउद्देश्यीय सहकारी संस्थाका अध्यक्ष जंगबहादुर गुरुङ, नमूना बहुउद्देश्यीय सहकारी संस्थाका अध्यक्ष केदारप्रसाद न्यौपाने, संस्थाका सल्लाहकारहरुको आतिथ्या रहेको थियो । सहकारीले तोरीको तेल, नरिवलको तेल, पिना, फापर, कोदो, चनाको पिठो उत्पादन गर्नुका साथै चियापत्ती, भटमास, विभिन्न दालका प्रकार, बेसार लगायत अन्य खाद्य वस्तुहरु आफ्नै उद्योगबाट उत्पादन गरि विक्री वितरण गर्दै आइरहेको संस्थाका व्यवस्थापक राजाराम थापाले बताए । सोही अवसरमा संस्थाका अध्यक्ष बस्नेतले संस्थाको दीगो विकास र भावि कार्ययोजना सहितको कार्यपत्र प्रस्तुत गरिनुका साथै संस्थाको इतिहास झल्किने भिडियो डकुमेन्ट्री प्रदर्शन गरिएको थियो ।
