इटहरीको सेन्टर प्लाजामा आगलागी

काठमाण्डौ – सुनसरीको इटहरी उपमहानगरपालिका–६ मा रहेको सेन्टर प्लाजामा आगलागी भएको छ । आज बिहान पौने १० बजेदेखि  लागेको आगो आठ वटा दमकलको सहयोगमा निभाउने प्रयास भइरहेको छ ।

सेन्टर प्लाजाको पाँचौ तलाबाट शुरु भएको आगलागी सातौं तलासम्म फैलिएको जिल्ला प्रहरी कार्यालय सुनसरीले जनाएको छ । अहिले प्रहरी र स्थानीबासीको सहयोगमा आगो निभाउने प्रयास भइरहेको प्रहरीले जनाएको छ । प्लाजाकाे पाचाैँ र छैटाैं तलामा सिनेमा हल र होटल रहेकाे छ । आगलागीको कारण खुल्न सकेको छैन । साभार उज्यालो अनलाइन